நேற்றைய பிக்பாஸ் நிகழ்ச்சியின் இறுதியில் இன்றைய நிகழ்ச்சியின் புரமோ வீடியோ ஒளிபரப்பானது. அதில் நான்கு பேர் ஒரு பல்லக்கை தூக்கி வந்து இறக்கினர். அதில் இருந்து ஒரு அழகி வெளியே வருகிறார். ஆனால் அவர் முகம் மட்டும் காட்டப்படவில்லை.

இந்த நிலையில் பிரபல நடிகை ஒருவர் பிக்பாஸ் நிகழ்ச்சியில் கலந்து கொள்ள உள்ளதாக வெளிவந்த செய்தியின் படி அந்த நடிகை பல்லக்கில் இருந்து வருகிறாரா? என்ற யூகம் அனைவரிடத்திலும் ஏற்பட்டுள்ளது.

அதேபோல் பிக்பாஸ் நிகழ்ச்சியில் ஓவியாவுக்கு ஒரு சர்ப்ரைஸ் விருந்து காத்திருப்பதாக செய்தி வெளிவந்ததால், அந்த பல்லக்கில் இருந்து இறங்குவது ஓவியாவா? என்ற எதிர்பார்ப்பும் ஏற்பட்டுள்ளது.

இன்றைய நிகழ்ச்சியில் அந்த பல்லக்கில் இருந்து இறங்குபவர் யார் என்பது தெரிந்துவிடும் என்பதால் இன்றைய நிகழ்ச்சி சுவாரஸ்யமாக இருக்கும் என்று கருதப்படுகிறது.