சூர்யா நடித்த ’சூரரைப்போற்று’ திரைப்படம் சமீபத்தில் வெளியாகி நல்ல வரவேற்பை பெற்றதை அடுத்து சூர்யாவின் 40வது படத்தை சன் பிக்சர்ஸ் நிறுவனம் தயாரிக்க இருப்பதாகவும், இயக்குனர் பாண்டிராஜ் இந்த படத்தை இயக்க இருப்பதாகவும் சமீபத்தில் அதிகாரபூர்வமாக அறிவிக்கப்பட்டது.

மேலும் இந்த படத்தில் சூர்யா ஜோடியாக சிவகார்த்திகேயனின் ’டாக்டர்’ படத்தில் நடித்த பிரியங்கா மோகன் நடிக்க இருக்கிறார் என்பதும் குறிப்பிடத்தக்கது. டி. இமான் இசையமைக்கவுள்ள இந்த படத்தின் படப்பிடிப்பு விரைவில் தொடங்க உள்ளதாக கூறப்பட்ட நிலையில் இன்று இந்த படத்தின் பூஜை நடைபெறுவதாக தகவல்கள் வெளிவந்துள்ளன.

சமீபத்தில் கொரோனாவில் இருந்து குணமான சூர்யா இன்றைய பூஜையில் கலந்து கொள்வாரா என்ற கேள்வி எழுந்துள்ளது. இருப்பினும் விரைவில் இந்த படத்தின் படப்பிடிப்பு தொடங்க உள்ளது என்றும் அதில் சூர்யா கலந்து கொள்ள இருப்பதாகவும் தகவல்கள் வெளிவந்து கொண்டிருக்கின்றன.