சூர்யா நடித்த 'தானா சேர்ந்த கூட்டம்' திரைப்படம் சமீபத்தில் வெளிவந்து ரசிகர்களின் ஆதரவை பெற்ற நிலையில் அவர் தற்போது செல்வராகவன் இயக்கத்தில் ஒரு படத்தில் நடித்து வருகிறார். இந்த படத்தின் படப்பிடிப்பு விறுவிறுப்பிடன் நடைபெற்று வருகிறது.

இந்த நிலையில் இந்த படத்தின் டைட்டில் இன்னும் அறிவிக்கப்படாமல் இருக்கும் நிலையில்  இந்த படத்தை தயாரித்து வரும் பிரபல தயாரிப்பாளர் எஸ்.ஆர்.பிரபு, இந்த படத்தின் டைட்டிலை வரும் மார்ச் மாதம் 5ஆம் தேதி அதிகாரபூர்வமாக அறிவிக்கவுள்ளார்.

வரும் மார்ச் 5ஆம் தேதி இந்த படத்தின் டைட்டில் பர்ஸ்ட்லுக் வெளியிடப்படும் என்று எஸ்.ஆர்.பிரபு தனது சமூக வலைத்தளத்தில் அறிவித்துள்ளார். இந்த அறிவிப்பு சூர்யா ரசிகர்களை மகிழ்ச்சியடைய செய்துள்ளது.

சூர்யா 36 திரைப்படத்தில் சூர்யா, ரகுல் ப்ரீத் சிங் , சாய் பல்லவி மற்றும் முன்னணி நடிகர்கள் பலர் நடித்து வருகின்'றனர். யுவன் ஷங்கர் ராஜா இசையில் உருவாகி வரும் இந்த படத்திற்கு சிவகுமார் விஜயன் ஒளிப்பதிவும், R.K.விஜயமுருகன் கலை இயக்கமும், G.K.பிரசன்னா படத்தொகுப்பும் செய்து வருகின்றனர். இந்த படம் வரும் தீபாவளி தினத்தில் வெளியிட திட்டமிடப்பட்டுள்ளது.