தோனி படக்குழுவுக்கு சூர்யா பாராட்டு
- IndiaGlitz, [Saturday,October 01 2016]
கிரிக்கெட் சூப்பர் ஸ்டார் தோனி தான் ஒரு சூர்யாவின் ரசிகர் என்று கூறியதோடு சமீபத்தில் சென்னை வந்தபோது, சூர்யாவின் குழந்தைகளிடம் அன்புடன் உரையாடினார் என்பதை பார்த்தோம். தனக்கு தோனி ரசிகர் என்பதை அறிந்த சூர்யா அவருக்கு நன்றி கூறியதோடு, தோனியின் வாழ்க்கை வரலாறு திரைப்படத்தை பார்க்க ஆர்வமாக இருப்பதாக தெரிவித்திருந்தார்.
இந்நிலையில் நேற்று 'தோனி தி அண்டோல்ட் ஸ்டோரி' திரைப்படம் வெளியானது. இந்த படத்தை முதல் நாளிலே பார்த்த சூர்யா, தோனி படக்குழுவினர்களுக்கு தனது சமூக வலைத்தளத்தில் பாராட்டு தெரிவித்துள்ளார். குறிப்பாக தோனி கேரக்டரில் நடித்த சுசாந்த்தின் நடிப்பை அவர் வெகுவாக புகழ்ந்துள்ளார்
மேலும் தோனியின் வாழ்க்கை வரலாறு படத்தை புத்திசாலித்தனமாக உருவாக்கிய படக்குழுவினர்களுக்கு தனது பாராட்டுக்களை தெரிவித்து கொள்வதாகவும், சாதனை மன்னன் தோனிக்கு ஒரு சல்யூட் என்றும் சூர்யா கூறியுள்ளார்.