இந்தியாவிலேயே மிகப்பெரிய பட்ஜெட் படமாக உருவாகியுள்ள 'பாகுபலி' படம் வரும் 10ஆம் தேதி உலகம் முழுவதும் ஆயிரக்கணக்கான திரையரங்குகளில் வெளியாக அனைத்து ஏற்பாடுகளும் தயாராக உள்ளது. இரண்டு பாகமாக எடுக்கப்பட்டுள்ள இந்த படத்தின் முதல்பாகம்தான் தற்போது வெளிவருகிறது. இந்த படத்தின் இரண்டாம் பாகம் விரைவில் வெளிவரும் என்றும் இயக்குனர் எஸ்.எஸ்.ராஜமவுலி ஏற்கனவே கூறியிருந்தார்.

இந்நிலையில் 'பாகுபலி' படத்தின் இரண்டாம் பாகத்தில் சூர்யா நடிக்கவுள்ளதாக கடந்த சில நாட்களாக செய்திகள் பரவி வருகின்றன. இந்த செய்திக்கு முற்றுப்புள்ளி வைக்கும் நிலையில் பதில் கூறியுள்ள இயக்குனர் ராஜமெளலி, 'பாகுபலி' படத்தின் இரண்டாம் பாகத்தில் சூர்யா நடிக்கவில்லை என்றும், அவ்வாறு வெளிவரும் அனைத்து செய்திகளும் வதந்தியே' என்றும் கூறியுள்ளார்.

பிரபாஸ், அனுஷ்கா ஷெட்டி, தமன்னா, ராணா, நாசர், சுதீப், சத்யராஜ், ரம்யா கிருஷ்ணன் உள்பட பலர் நடித்துள்ள இந்த படத்திற்கு எம்.எம்.கீரவாணி இசையமைத்துள்ளார்.கடந்த சில நாட்களுக்கு முன்னர் வெளியான இந்த படத்தின் பாடல்கள் அனைத்து மொழிகளிலும் சூப்பர் ஹிட் ஆகியுள்ளது என்பது குறிப்பிடத்தக்கது. இந்தியாவின் மிகப்பெரிய பிரமாண்ட திரைப்படத்தை பார்க்க இந்திய ரசிகர்கள் மட்டுமின்றி உலகில் உள்ள பெரும்பாலானோர் ஆவலுடன் இருக்கின்றனர். இந்த படம் சுப்பர் ஹிட் ஆக எமது அட்வான்ஸ் வாழ்த்துக்கள்