స్టార్ హీరో సూర్య ఇప్పుడు నటిస్తూ నిర్మించిన చిత్రం 24`. ఈ సైన్స్ ఫిక్షన్ మూవీలో సూర్య త్రిపాత్రాభినయం చేస్తుండగా, విలన్ గా కూడా సూర్యనే నటించడం విశేషం. ఈ సినిమా మే 6న తెలుగు, తమిళంలో వరల్డ్ వైడ్ గా గ్రాండ్ రిలీజ్ చేస్తన్నారు. రజనీకాంత్, శంకర్ ల సినిమాల తర్వాత యు.ఎస్ లో భారీగా రిలీజ్ అవుతున్న సినిమా ఇది.

ప్రస్తుతం ఈ సినిమా ప్రమోషన్స్ లో బిజీగా ఉన్న సూర్య ప్రస్తుతం తమిళ నడిగర్ సంఘం భవనం కోసం అక్కడి నటీనటులు ఓ సినిమాను చేయాలనుకుంటున్నారు. ఇందు కోసం విశాల్, కార్తీ, జయం రవి, ఆర్య, జీవా వంటి స్టార్ హీరోస్ ముందుకు వచ్చారు. అయితే వీరితో పాటు తాను కూడా నడిగర్ సంఘం చేయాలనుకుంటున్న సినిమాలో భాగం కావాలనుకుంటున్నట్లు సూర్య తెలియజేశారు. తనకు విశాల్ లేదా కార్తీలతో కలిసి మల్టీస్టారర్ సినిమా చేయాలనుందని సూర్య తెలియజేశారు. మరి సూర్య కోరికను తీర్చే దర్శకుడెవరో మరి...