గ‌జిని చిత్రంతో తెలుగులో త‌న‌కంటూ ఓ మార్కెట్‌ని సొంతం చేసుకున్నాడు త‌మిళ క‌థానాయ‌కుడు సూర్య‌. య‌ముడు, 24 త‌దిత‌ర చిత్రాల‌తో ఇక్క‌డ చెర‌గ‌ని ముద్ర వేశాడు. కాగా, సూర్య న‌టించిన త‌మిళ చిత్రం తాన సేరంద కూట‌మ్‌.. తెలుగులో గ్యాంగ్ పేరుతో విడుద‌ల కానున్న సంగ‌తి తెలిసిందే.

తెలుగు, త‌మిళ భాష‌ల్లో ఈ సినిమా ఒకే రోజు(జ‌న‌వ‌రి 12)న విడుద‌ల కానుంది. అయితే రెండు భాష‌ల్లోనూ సూర్యకి పోటీ త‌ప్ప‌డం లేదు. గ్యాంగ్ విడుద‌ల‌య్యే రోజునే..ఇక్క‌డ న‌ట‌సింహ బాల‌కృష్ణ న‌టించిన 102వ చిత్రం జై సింహా విడుద‌ల కానుంది. ఇక త‌మిళ ప‌రిశ్ర‌మ ప‌రంగా చూస్తే.. అదే జ‌న‌వ‌రి 12న మ‌రో రెండు క్రేజీ ప్రాజెక్టులు రాబోతున్నాయి. అందులో ఒక‌టి ప్ర‌భుదేవా, హ‌న్సిక న‌టించిన గులేబకావ‌లి కాగా.. మ‌రొక‌టి అర‌వింద్ స్వామి, అమ‌లాపాల్ జంట‌గా న‌టించిన భాస్క‌ర్ ఒరు రాస్కెల్‌. ఈ రెండు చిత్రాలు కూడా.. శుక్ర‌వారం కావ‌డంతో అదే రోజున సంద‌డి చేయ‌డానికి సిద్ధ‌మ‌వుతున్నాయి. మొత్తానికి.. సూర్యకి పోటీ త‌ప్ప‌డం లేదు.