விக்னேஷ்சிவனின் திருமண பாடல்! நயன்தாராவை மனதில் வைத்து எழுதியதா?
- IndiaGlitz, [Wednesday,June 28 2017]
பிரபல இயக்குனர் விக்னேஷ் சிவனுக்கும் நயன்தாராவுக்கும் காதல் என்று கடந்த சில வருடங்களாக கோலிவுட்டில் கிசுகிசு எழுந்து வருகிறது. இந்த கிசுகிசுவை இருவருமே மறுக்கவும் இல்லை, ஒப்புக்கொள்ளவும் இல்லை.
இந்த நிலையில் சமீபத்தில் பேட்டி ஒன்றில் நயன்தாரா காதல் குறித்த கேள்வி ஒன்றுக்கு பதிலளிக்கு பதிலளித்த விக்னேஷ் சிவன், 'தற்போதைய நிலையில் எனது முழு கவனம் எனது பணியில் மட்டுமே உள்ளது' என்று கூறினார்.
ஆனால் விக்னேஷ் சிவன் இயக்கி வரும் 'தானா சேர்ந்த கூட்டம்' படத்தில் திருமணம் குறித்த பாடல் ஒன்றை அவர் எழுதியுள்ளதாகவும், இந்த பாடலில் உள்ள வரிகள் அவருடைய சொந்த வாழ்க்கையின் பிரதிபலிப்பு போல இருப்பதாகவும் கூறப்படுகிறது. ஒரு இனிமையான திருமண நிகழ்ச்சியை மனதில் வைத்து இந்த பாடலை எழுதியுள்ளதாக அவர் கூறியது நயன்தாராவின் காதலை உறுதி செய்வது போல் உள்ளது.
ஞானவேல்ராஜா தயாரிப்பில் அனிருத் இசையில் உருவாகி வரும் இந்த படத்தில் சூர்யா, கீர்த்திசுரேஷ், ரம்யாகிருஷ்ணன், செந்தில் உள்பட பலர் நடித்து வருகின்றனர். இந்த படத்தின் படப்பிடிப்பு ஒருசில நாட்களில் முடிவடையவுள்ளதாகவும், இந்த படத்தின் டீசர் ரிலீஸ் தேதி விரைவில் அறிவிக்கப்பட உள்ளதாகவும் படக்குழுவினர் தெரிவித்தனர்.