ప్ర‌స్తుతం తెలుగులో సెన్సేష‌న‌ల్ స్టార్‌గా ఎదిగిన క‌థానాయ‌కుడు విజ‌య్ దేవ‌ర‌కొండ‌.. తెలుగుతో పాటు త‌మిళంలో కూడా నోటా చిత్రంతో ఎంట్రీ ఇచ్చాడు. విజ‌య్ దేవ‌ర‌కొండ అర్జున్ రెడ్డి త‌మిళంలో అభిమానులుండ‌టం విశేషం. కాగా ఇప్పుడు విజ‌య్ దేవ‌ర‌కొండ హీరోగా `టాక్సీవాలా` చిత్రంతో నవంబ‌ర్ 17న ప్రేక్ష‌కుల ముందుకు రానున్న సంగ‌తి తెలిసిందే. ఈ సినిమా విడుద‌ల‌కు ముందే పైర‌సీ బారిన ప‌డింది.

ఈ విష‌యం గురించి విజ‌య్ దేవ‌ర‌కొండ ట్విట్ట‌ర్ ద్వారా స్పందించాడు. `నేను బాధ‌ల్లో ఉన్న‌ప్పుడు నాకు బ‌లాన్నిచ్చేది మీరే.. నా చుట్టూ ఉన్న శ‌బ్దంలో మీ ప్రేమే వినిపిస్తుంది`` అని ట్వీట్ చేశాడు విజ‌య్‌దేవ‌ర‌కొండ‌. ఈ ట్వీట్‌కు హీరో సూర్య స్పందించ‌డం హాట్ టాపిక్‌గా మారింది. `నీకు మా అంద‌రీ ప్రేమ శ్వాశ‌తంగా ఉంటుంది. ఇవేవీ శాశ్వ‌తం కావు.. నువ్వు ఎప్ప‌టికీ నీలాగే ఉంటావు`` అని ట్వీట్‌తో రిప్లై ఇచ్చాడు. దీనికి విజ‌య్ `ఐ ల‌వ్ యు సూర్య సార్‌` అంటూ మ‌ళ్లీ రిప్లై ఇచ్చాడు.

Suriya sirrr ??
I love you. https://t.co/eIsSlPNOjf

— Vijay Deverakonda (@TheDeverakonda) November 14, 2018