சிவகுமார் குடும்பத்தில் இருந்து திரையுலகிற்கு வந்த அடுத்த நபர்
- IndiaGlitz, [Wednesday,April 25 2018]
பழம்பெரும் நடிகர் சிவகுமாரின் குடும்பத்தில் இருந்து திரையுலகிற்கு வந்த சூர்யா மற்றும் கார்த்தி ஆகிய இருவருமே தமிழ் திரையுலகில் முன்னணி நடிகர்களாக உள்ளனர். இவர்கள் இருவரின் படங்களுக்கு நல்ல ஓப்பனிங் கிடைத்து வருவதோடு தயாரிப்பாளர், விநியோகிஸ்தர்களுக்கு நல்ல லாபத்தையும் கொடுத்து வருகிறது. மேலும் சிவகுமாரின் மருமகளும், சூர்யாவின் மனைவியுமான ஜோதிகாவும் தமிழ்த்திரையுலகில் முன்னணி நடிகை என்பது குறிப்பிடத்தக்கது.
இந்த நிலையில் சிவகுமாரின் மகள் பிருந்தாவும் திரையுலகிற்கு அறிமுகமாகியுள்ளார். ஆனால் இவர் நடிகையாக அறிமுகமாகாமல் பாடகியாக அறிமுகமாகியுள்ளார்.
கார்த்திக், கவுதம் கார்த்திக் நடிப்பில் உருவாகியுள்ள 'Mr.சந்திரமெளலி என்ற படத்தில் பிருந்தா ஒரு பாடலை பாடியுள்ளார். பிருந்தா பாடிய Mr.சந்திரமெளலி என்று தொடங்கும் பாடல் உள்பட இந்த படத்தின் அனைத்து பாடல்களும் இன்று வெளியாகி ரசிகர்களிடையே நல்ல வரவேற்பை பெற்றுள்ளது என்பது குறிப்பிடத்தக்கது.