சூர்யா நடிப்பில் ஹரி இயக்கி வரும் சிங்கம் 3' என்ற 'எஸ் 3' படத்தின் படப்பிடிப்பு கடந்த சில மாதங்களாக விறுவிறுப்பாக நடைபெற்று வரும் நிலையில் தற்போது இந்த படத்தின் படப்பிடிப்பு இறுதிக்கட்டத்தை அடைந்துள்ளது.

இந்த படத்தின் கிளைமாக்ஸ் காட்சிகளின் படப்பிடிப்பு விரைவில் தொடங்கவுள்ளதாகவும் ஒருசில வசனக்காட்சிகளின் படப்பிடிப்பும், பாடல்கள் படப்பிடிப்புகள் மட்டுமே பெண்டிங் உள்ளதாகவும் மிக விரைவில் இந்த படத்தின் படப்பிடிப்பு முடிந்துவிடும் என்றும் படக்குழு வட்டாரங்கள் கூறுகின்றன.

சூர்யா, அனுஷ்கா ஷெட்டி, ஸ்ருதிஹாசன், ராதாரவி, விவேக், நாசர், ராதிகா, சூரி உள்ளிட்ட பலர் நடித்து வரும் இந்த படத்திற்கு ஹாரீஸ் ஜெயராஜ் இசையமைத்து வருகிறார். ஸ்டுடியோக்ரீன் நிறுவனம் தயாரித்து வரும் இந்த படத்திற்கு பிரியன் ஒளிப்பதிவாளராகவும் வி.டி.விஜயன் படத்தொகுப்பாளராகவும் பணிபுரிந்து வருகின்றனர்.