சூர்யாவின் 'S3' வியாபாரம் தொடங்கிவிட்டதா?
Saturday, July 16, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
கோலிவுட்டின் மாஸ் நடிகர்களில் ஒருவராகிய சூர்யா தற்போது 'S3' படத்தில் நடித்து வருகிறார். இயக்குனர் ஹரியின் இயக்கத்தில் உருவாகி வரும் இந்த படத்தின் படப்பிடிப்பு கிட்டத்தட்ட 80% முடிந்துவிட்டதாகவும் இன்னும் ஒருசில வசனக்காட்சிகள் மற்றும் பாடல் காட்சிகளின் படப்பிடிப்பு மட்டுமே மீதமிருப்பதாகவும் கூறப்படுகிறது.
இந்நிலையில் இந்த படத்தின் வியாபாரத்தை தயாரிப்பாளர் ஞானவேல்ராஜா தொடங்கிவிட்டதாகவும், முதல்கட்டமாக இந்த படத்தின் தமிழக ரிலீஸ் உரிமை ரூ.41 கோடிக்கு விற்பனையாகியுள்ளதாகவும், புதிய நிறுவனம் ஒன்று இந்த படத்தின் ரிலிஸ் உரிமையை பெற்றுள்ளதாகவும் கூறப்படுகிறது.
மேலும் சூர்யாவின் படங்களுக்கு தெலுங்கு மாநிலங்களில் மிகப்பெரிய வியாபாரம் உள்ளது என்பது அனைவரும் அறிந்ததே. எனவே தமிழக ரிலீஸ் உரிமையைவிட தெலுங்கு மாநிலங்களின் ரிலீஸ் உரிமையின் வியாபாரம் மிகப்பெரிய அளவில் இருக்கும் என்றும் அதுகுறித்த பேச்சுவார்த்தையும் நடைபெற்று வருவதாக கூறப்படுகிறது.
சர்வதேச போலீஸ் அதிகாரியாக சூர்யாவும், அவருடைய மனைவியாக அனுஷ்காவும், பத்திரிகையாளராக ஸ்ருதிஹாசனும் நடித்துள்ள இந்த படத்திற்கு ஹாரீஸ் ஜெயராஜ் இசையமைத்துள்ளார். இந்த படம் வரும் ஆயுதபூஜை நாளில் அல்லது தீபாவளி நாளில் வெளிவரும் என எதிர்பார்க்கப்படுகிறது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments