'கபாலி'யுடன் கனெக்சன் ஆனது சூர்யாவின் 'S3'
- IndiaGlitz, [Friday,September 23 2016]
சூப்பர் ஸ்டார் ரஜினிகாந்த் நடித்த 'கபாலி' திரைப்படம் சமீபத்தில் வெளியாகி உலகம் முழுவதும் சூப்பர் ஹிட் ஆனது என்பது அறிந்ததே. இந்த படத்தின் மலேசிய ரிலீஸ் உரிமையை பெற்ற மாலிக் ஸ்டிரீம்ஸ் நிறுவனம் மிகப்பெரிய லாபத்தை இந்த படத்தால் பெற்றது.
இந்நிலையில் இந்த நிறுவனம் தற்போது சூர்யாவின் 'S3'படத்தின் மலேசிய ரிலீஸ் உரிமையை பெற்றுள்ளதாக தகவல்கள் வெளிவந்துள்ளது. மேலும் இந்நிறுவனம், 'S3'படத்தின் மலேசிய படப்பிடிப்பின்போது பெரும் உதவியாக இருந்தது என்பது குறிப்பிடத்தக்கது.
சூர்யா, அனுஷ்கா ஷெட்டி, ஸ்ருதிஹாசன், ராதாரவி, விவேக், நாசர், ராதிகா, சூரி உள்ளிட்ட பலர் நடித்து வரும் இந்த படத்திற்கு ஹாரீஸ் ஜெயராஜ் இசையமைத்து வருகிறார். ஸ்டுடியோக்ரீன் நிறுவனம் தயாரித்து வரும் இந்த படத்திற்கு பிரியன் ஒளிப்பதிவாளராகவும் வி.டி.விஜயன் படத்தொகுப்பாளராகவும் பணிபுரிந்து வருகின்றனர்.