'சி 3' மற்றும் 'எமன்' படங்களின் கடந்த வார வசூல் நிலவரம்
- IndiaGlitz, [Monday,March 13 2017]
சூர்யா நடிப்பில் கடந்த மாதம் 9ஆம் தேதி வெளியான 'சி3' திரைப்படம் ஏற்கனவே ரூ.100 கோடி வசூல் கிளப்பில் இடம் பிடித்து வெற்றி படமாக அறிவிக்கப்பட்டது என்பதை பார்த்தோம். இந்நிலையில் கடந்த வார இறுதியில் சென்னையில் இந்த படம் ஒரு திரையரங்கில் 5 காட்சிகள் திரையிடப்பட்டு ரூ.36,180 வசூல் செய்துள்ளது.
இந்த திரைப்படம் சென்னையில் கடந்த பிப்ரவரி 9ஆம் தேதியில் இருந்து மார்ச் 12 வரை ரூ.5,42,58,990 வசூல் செய்துள்ளது என்பது குறிப்பிடத்தக்கது.
அதேபோல் விஜய் ஆண்டனியின் 'எமன்' திரைப்படம் கடந்த பிப்ரவரி மாதம் 24ஆம் தேதி ரிலீஸ் ஆகி நல்ல ஓப்பனிங் வசூலை பெற்றது மட்டுமின்றி 2017ஆம் ஆண்டின் முதல் சூப்பர் ஹிட் படம் என்ற பெருமையையும் பெற்றது.,
இந்த படம் கடந்த வார இறுதியில் சென்னையில் இரண்டு திரையரங்க வளாகங்களில் 5 காட்சிகள் திரையிடப்பட்டு ரூ.26,710 வசூல் செய்துள்ளது. இந்த படத்தின் மொத்த சென்னை வசூல் ரூ.1,93,16,600 என்பது குறிப்பிடத்தக்கது.