சூர்யாவின் '24'க்கு கிடைத்த முதல் வெற்றி
- IndiaGlitz, [Friday,May 06 2016]
சூர்யா மூன்று வேடங்களில் நடித்த '24' திரைப்படம் இன்று முதல் உலகம் முழுவதும் 2000க்கும் அதிகமான திரையரங்குகளில் பிரமாண்டமாக ரிலீஸ் ஆகிறது. இந்நிலையில் நேற்று அமெரிக்கா உள்பட பல நாடுகளில் பிரிமியர் காட்சிகள் திரையிடப்பட்டன. இந்த காட்சிகளை பார்த்தவர்கள் பாசிட்டிவ் விமர்சனங்களை அளித்து வருவதால் இந்த படம் கண்டிப்பாக ஹிட் ஆகும் என எதிர்பார்க்கப்படுகிறது.
இந்நிலையில் சூர்யாவின் 24 படத்திற்கு முதல் வெற்றிச்செய்தி ஒன்று கிடைத்துள்ளது. அதாவது இந்த படத்திற்கு தமிழக அரசின் 30% வரிவிலக்கு கிடைத்துள்ளது. இந்த செய்தி ஒரு தயாரிப்பாளராக சூர்யாவுக்கு பெரும் மகிழ்ச்சியை தந்துள்ளது என்பதோடு, இந்த படத்தை வாங்கிய விநியோகிஸ்தர்களுக்கும், திரையரங்கு உரிமையாளர்களுக்கும் உற்சாகத்தை கொடுத்துள்ளது.
தமிழின் வித்தியாசமான முயற்சியாக ஹாலிவுட் தரத்தில், ஏ.ஆர். ரஹ்மானின் அபாரமான பின்னணி இசையில், விக்ரம்குமாரின் தேர்ந்த இயக்கத்தில் இந்த படம் உருவாகியுள்ளதாக விமர்சனங்கள் வெளிவந்து கொண்டிருக்கின்றது.