சூர்யா நடிப்பில் உருவாகியுள்ள 'படங்க 2' திரைப்படத்தின் ரிலீஸ் நவம்பரில் இருந்து டிசம்பருக்கு தள்ளிப் போனதாக வந்த செய்தியை ஏற்கனவே பார்த்தோம். இந்நிலையில் தன்னுடைய ரசிகர்களுக்கு ஏற்பட்ட ஏமாற்றத்தை போக்க நவம்பரிலேயே தன்னுடைய இன்னொரு படமான '24' படத்தின் ஃபர்ஸ்ட் லுக்கை வெளியிட அவர் தீர்மானித்துள்ளார்.

நவம்பர் 24ஆம் தேதி '24' படத்தின் ஃபர்ஸ்ட்லு லுக் வெளிவரும் என அதிகாரபூர்வமாக அறிவிக்கப்பட்டுள்ளது. இந்த தகவலை சூர்யா தன்னுடைய சமூக வலைத்தளத்தில் உறுதிப்படுத்தியுள்ளார். படத்தின் டைட்டிலுக்கு ஏற்றவாறு ஃபர்ஸ்ட்லுக்கும் 24ஆம் தேதி வெளியாகிறது என்பது ஒரு அபூர்வ ஒற்றுமை.

சூர்யா, சமந்தா, நித்யாமேனன், அஜய், சத்யன், சரண்யா, க்ரீஷ் கர்நாட், மற்றும் பலர் நடித்துள்ள இந்த படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார். விக்ரம்குமார் இயக்கியுள்ள இந்த படத்தை சூர்யாவின் 2D எண்டர்டெயின்மெண்ட் நிறுவனம் தயாரித்துள்ளது. இந்த படம் வரும் பொங்கல் தினத்தில் வெளியாகும் என எதிர்பார்க்கப்படுகிறது.