சூர்யாவின் சிங்கம் 3' டீசர் ரிலீஸ் தேதி
- IndiaGlitz, [Saturday,September 03 2016]
இளையதளபதி விஜய்யின் 'விஜய் 60' படத்தின் ஃபர்ஸ்ட்லுக் வெளிவரவுள்ளதால் விஜய் ரசிகர்கள் உற்சாகத்துடன் இருக்கும் நிலையில், சூர்யாவின் ரசிகர்களும் உற்சாகப்படும் அளவிற்கு ஒரு தகவல் கிடைத்துள்ளது.
ஹரி இயக்கத்தில் சூர்யா நடித்து வரும் 'சிங்கம் 3' படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் இந்த படத்தின் அட்டகாசமான டீசர் ரிலீஸ் தேதி குறித்த தகவல் வெளிவந்துள்ளது.
ஏற்கனவே இரண்டு பாகங்களில் மிரட்டிய துரைசிங்கத்தின் டீசர், செப்டம்பர் 20ஆம் தேதி வெளிவரவுள்ளது என்ற தகவல் சற்று முன் கிடைத்துள்ளது.
சூர்யா, அனுஷ்கா ஷெட்டி, ஸ்ருதிஹாசன், ராதாரவி, விவேக், நாசர், ராதிகா, சூரி உள்ளிட்ட பலர் நடித்து வரும் இந்த படத்திற்கு ஹாரீஸ் ஜெயராஜ் இசையமைத்து வருகிறார். ஸ்டுடியோக்ரீன் நிறுவனம் தயாரித்து வரும் இந்த படத்திற்கு பிரியன் ஒளிப்பதிவாளராகவும் வி.டி.விஜயன் படத்தொகுப்பாளராகவும் பணிபுரிந்து வருகின்றனர்.