మలేషియాకు సూర్య 'ఎస్3'
- IndiaGlitz, [Wednesday,July 13 2016]
తమిళంతో పాటు తెలుగులో కూడా మంచి మార్కెట్ ఉన్న హీరో సూర్య, క‌మ‌ర్షియ‌ల్ డైరెక్ట‌ర్ హ‌రి కాంబినేషన్ లో వచ్చిన సింగం', సింగం2' చిత్రాలు భారీ విజయాలను సాధించాయి. ఇప్పుడు మరోసారి వీరి కాంబినేషన్ లో ఈ హిట్ సీక్వెల్ గా ఎస్3 (సింగం 3') రూపొందనుంది. అనుష్క, శృతిహాసన్ ఇందులో నటిస్తున్నారు.
శృతిహాసన్ జ‌ర్న‌లిస్ట్ పాత్ర‌లో న‌టిస్తుంది. ప్ర‌స్తుతం వైజాగ్‌లో చిత్రీక‌ర‌ణ జ‌రుపుకుంటున్న షెడ్యూల్‌లో సూర్య, శృతిహాస‌న్‌ల‌పై కీల‌క స‌న్నివేశాల‌ను చిత్రీక‌రిస్తున్నారు. రెండు రోజుల్లో వైజాగ్ షెడ్యూల్‌ను పూర్తి చేసి ఈ నెల 18 నుండి చెన్నైలో షూటింగ్ చేస్తారు. ఆగ‌స్టు 5నుండి ఫైన‌ల్ షెడ్యూల్‌ను మ‌లేషియాలో చిత్రీక‌రిస్తార‌ట. అన్నీ కార్య‌క్ర‌మాల‌ను పూర్తి చేసి సినిమాను అక్టోబ‌ర్ లో విడుద‌ల చేస్తార‌ట. తెలుగులో నైజాం, ఆంధ్ర హక్కుల‌ను మ‌ల్కాపురం శివ‌కుమార్ చేజిక్కించుకున్నార‌ని ఫిలింన‌గ‌ర్ టాక్‌.