'பசங்க' பாண்டியராஜ் இயக்கத்தில் சூர்யா, அமலாபால் சிறப்பு தோற்றத்தில் நடித்துள்ள 'பசங்க 2' திரைப்படத்தின் பாடல்கள் நாளை வெளிவரவுள்ள நிலையில் சற்று முன்னர் இந்த படத்தின் டிராக் லிஸ்ட் வெளியாகியுள்ளது.

மிஷ்கின் இயக்கிய 'பிசாசு' படத்தின் மூலம் இசையமைப்பாளராக அறிமுகமான அரோல் கரோலி இந்த படத்திற்காக நான்கு பாடல்களையும் ஒரு தீம் மியூசிக்கையும் கம்போஸ் செய்துள்ளார்.

1. 'சோட்டா பீமா' என்று தொடங்கும் முதல் பாடலை கார்கி எழுத யாழினி மற்றும் ஏ.எல்.ஸ்ரீகாந்த் பாடியுள்ளனர்.

2. 'தம் தம்' என்று ஆரம்பிக்கும் இந்த இரண்டாவது பாடலை தேசிய விருது பெற்ற பாடலாசிரியர் நா.முத்துகுமார் எழுதியுள்ளார். இந்த பாடலை ஆனந்த் பாடியுள்ளார்.

3. 'காட்டுக்குள்ள கண்ணைக்கட்டி..என்று தொடங்கும் இந்த மூன்றாவது பாடலை யுகபாரதி எழுதியுள்ளார். இந்த பாடலையும் ஆனந்த் பாடியுள்ளார்.

4. 'பூக்களை கிள்ளி வந்து' என்று தொடங்கும் பாடலை கார்கி எழுத யாசின் நிசார் பாடியுள்ளார்.

5. ஐந்தாவதாக பசங்க 2 தீம் மியூசிக் அமைந்துள்ளது.