சூர்யாவின் அடுத்த பட இயக்குனர்-இசையமைப்பாளர். அதிகாரபூர்வ அறிவிப்பு
- IndiaGlitz, [Tuesday,September 06 2016]
நடிகர் சூர்யா தற்போது ஹரியின் இயக்கத்தில் 'சிங்கம் 3' படத்தில் விறுவிறுப்பாக நடித்து வருகிறார். இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் சூர்யாவின் அடுத்த படம் குறித்து பல்வேறு தகவல்கள் வெளிவந்து கொண்டிருந்தன.
'கொம்பன் முத்தையா, விக்னேஷ் சிவன், அருண்குமார், ரஞ்சித் உள்பட பலர் சூர்யாவின் அடுத்த படத்தை இயக்குவார்கள் என்று கூறப்பட்ட நிலையில் தற்போது சூர்யாவின் அடுத்த பட இயக்குனர் குறித்த அதிகாரபூர்வ தகவல் வெளிவந்துள்ளது.
'நானும் ரெளடிதான்' என்ற வெற்றி படத்தை இயக்கிய விக்னேஷ் சிவன் தான் சூர்யாவின் அடுத்த பட இயக்குனர் என்று அறிவிக்கப்பட்டுள்ளது. இந்த தகவலை விக்னேஷ் சிவன் மற்றும் சூர்யா ஆகியோர் தங்கள் சமூக வலைத்தளங்களில் உறுதி செய்துள்ளனர்.
சூர்யாவின் 35வது படமான இந்த படத்திற்கு அனிருத் இசையமைக்கின்றார். சூர்யா-அனிருத் இணையும் முதல் படம் இது என்பதால் பெரும் எதிர்பார்ப்பு இந்த படத்திற்கு ஏற்பட்டுள்ளது.
சூர்யாவின் 2D நிறுவனம் மற்றும் ஞானவேல்ராஜாவின் ஸ்டுடியோக்ரீன் நிறுவனம் ஆகியவை இணைந்து தயாரிக்கும் இந்த படத்தின் நாயகி உள்பட மற்ற நடிகர், நடிகைகள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளிவரவுள்ளது.