సూర్య సినిమా షూటింగ్ పూర్తి...
- IndiaGlitz, [Thursday,May 04 2017]
తెలుగు, త‌మిళంలో మంచి క్రేజ్ ఉన్న హీరోల్లో సూర్య ఒక‌డు. అందుకే సూర్య యూనివ‌ర్స‌ల్‌గా తెలుగు, త‌మిళ ప్రేక్ష‌కులకు న‌చ్చే విధంగా సినిమాల్లో న‌టిస్తుంటాడు. ఇప్పుడు సూర్య న‌టిస్తున్న చిత్ర 'తానా సెంద కూట్ట‌మ్‌'. విఘ్నేష్ శివ‌న్ దర్శకత్వంలో తెరకెక్కుతోన్న ఈ చిత్రం నేటితో చిత్రీక‌ర‌ణంతా పూర్తి చేసుకుంది. పోస్ట్ ప్రొడ‌క్ష‌న్ కార్య‌క్ర‌మాల‌ను జ‌రుపుకోనుంది.
ఈ సినిమా ద‌స‌రా సంద‌ర్భంగా విడుదల చేయ‌డానికి స‌న్నాహాలు చేస్తున్నారు. సూర్య స‌ర‌స‌న కీర్తి సురేష్ హీరోయిన్‌గా న‌టిస్తున్న ఈ చిత్రంలో ర‌మ్య‌కృష్ణ ఓ కీల‌క‌పాత్ర‌లో న‌టిస్తుంది. ఈ చిత్రానికి అనిరుధ్ సంగీతం అందిస్తున్నాడు. స్టూడియో గ్రీన్ బ్యాన‌ర్‌పై జ్ఞాన‌వేల్ రాజా, లైకా ప్రొడ‌క్ష‌న్స్ ఈ సినిమాను సంయుక్తంగా నిర్మిస్తున్నాయి.