சூர்யா நடித்த 'தானா சேர்ந்த கூட்டம்' திரைப்படம் கடந்த வெள்ளியன்று வெளியாகி மிகப்பெரிய வரவேற்பை பெற்று வருகிறது. இந்த படத்தின் சிறப்பான திரைக்கதை, சூர்யாவின் நடிப்பு, அனிருத்தின் இசை ஆகியவை காரணமாக ரசிகர்களால் மிகப்பெரிய வரவேற்பை பெற்றுள்ளது.

தமிழகத்தில் மட்டுமின்றி தெலுங்கு மாநிலங்களான ஆந்திரா மற்றும் தெலுங்கானாவிலும் 'கேங்' என்ற பெயரில் இந்த படத்தின் வசூல் சக்கை போடு போடுகிறது. இந்த நிலையில் தெலுங்கு ரசிகர்களை நேரில் சந்தித்து உற்சாகப்படுத்த சூர்யா ஆந்திராவில் சுற்றுப்பயணம் செய்து வருகிறார்

இந்த நிலையில் ராஜமுந்திரியில் உள்ள ஒரு திரையரங்கிற்கு சூர்யா சென்றபோது ரசிகர்கள் அவரை சூழ்ந்து கொண்டனர். இதனால் வேறு வழியின்றி சூர்யா மூடிய கேட்டின் மீதேறி மறுபக்கத்திற்கு ரசிகர்களிடம் இருந்து தப்பிக்கும் நிலை ஏற்பட்டது. சூர்யாவை சந்திக்க வந்த ரசிகர்களின் கூட்டம் கட்டுக்கடங்காமல் இருந்ததால் அந்த பகுதியில் பரபரப்பு ஏற்பட்டது. இன்னும் பீமாவரம், விஜயவாடா போன்ற பகுதிகளுக்கு சூர்யா செல்லவிருப்பதால் அங்கு அவருக்கு தகுந்த பாதுகாப்பு ஏற்பாடுகளை திரையரங்கு உரிமையாளர் செய்ய முடிவு செய்துள்ளனர்.