ఆయ‌న‌తో సూర్య మూడోసారి..?
- IndiaGlitz, [Thursday,December 14 2017]
తెలుగు, త‌మిళంలో మంచి మార్కెట్ ఉన్న హీరోల్లో సూర్య ఒక‌రు. ఈయ‌న తాజాగా నటించిన చిత్రం గ్యాంగ్ ఈ సంక్రాంతికి విడుద‌ల కానుంది. ఈ సినిమా త‌ర్వాత సూర్య సెల్వ రాఘ‌వ‌న్ సినిమాలో న‌టించ‌బోతున్నాడు.
దాంతో పాటు ఓ కొత్త ద‌ర్శ‌కుడితో క‌లిసి సూర్య ప‌ని చేస్తాడ‌ని వార్తలు వ‌చ్చాయి. అయితే కోలీవుడ్ వ‌ర్గాల స‌మాచారం ప్ర‌కారం సూర్య, కె.వి.ఆనంద్ కాంబినేష‌న్‌లో సినిమా ఉండ‌బోతోంద‌ట.
గ‌తంలో వీరిద్ద‌రి కాంబినేష‌న్‌లో వీడొక్క‌డే, బ్ర‌ద‌ర్స్ సినిమాలు వ‌చ్చాయి. అంతా అనుకున్న‌ట్లు జ‌రిగితే వీరి కాంబినేష‌న్‌లో హ్యాట్రిక్ మూవీ ఈ ఏడాది ద్వితీయార్థంలో స్టార్ట్ కానుంది. ఈ చిత్రాన్ని లైకా ప్రొడక్ష‌న్స్ నిర్మిస్తుంద‌ని టాక్‌.