రీమేక్‌లో సూర్య, కార్తి
- IndiaGlitz, [Thursday,May 28 2020]
కొత్త కాన్సెప్ట్‌ల‌ను భాషా బేదం లేకుండాసినీ ప్రేక్ష‌కులు ఆద‌రిస్తుంటార‌న‌డంలో సందేహం లేదు. ముఖ్యంగా ఓటీటీ మాధ్య‌మాలు ఎక్కువైన నేటి రోజుల్లో సినిమాలు ప్రేక్ష‌కుల‌కు మ‌రింత చేరువ‌య్యాయి. రీసెంట్‌గా అలాంటి ఓ ప‌ర‌భాషా చిత్రాన్ని తెలుగు, త‌మిళంలో రీమేక్ చేయాల‌ని ప్ర‌య‌త్నాలు జ‌రుగుతున్నాయి. ఇంత‌కు ఆ సినిమా ఏదో కాదు.. అయ్య‌ప్ప‌నుమ్ కోశియమ్. మ‌ల‌యాళంలో విజ‌య‌వంత‌మైన ఈ చిత్రం తెలుగు హ‌క్కుల‌ను సితార ఎంట‌ర్‌టైన్‌మెంట్స్ ద‌క్కించుకుంది. అలాగే త‌మిళంలో ఇద్ద‌రు హీరోలు క‌లిసి చేయ‌బోతున‌ట్లు సోష‌ల్ మీడియా స‌మాచారం. ఇంత‌కూ వారిద్ద‌రెవ‌రో కారు.. సూర్య, ఆయ‌న త‌మ్ముడు కార్తి.
సూర్య, కార్తిల‌కు ద‌క్షిణాదిన హీరోలుగా మంచి గుర్తింపే ఉంది. ఈ గుర్తింపుతో వీరిద్ద‌రితో ఓ మ‌ల్టీస్టార‌ర్ సినిమా చేయాల‌ని చాలా మంది అనుకున్నారు. కానీ మంచి క‌థ కుద‌ర‌లేదు. అయితే ఇప్పుడు వీరిద్ద‌రూ అయ్య‌ప్ప‌నుమ్ కోశియమ్ సినిమాలో న‌టించ‌బోతున్నార‌ని టాక్‌. అయితే వీరు క‌లిసి కోలీవుడ్‌లోనే న‌టించ‌బోతున్నార‌ట. మ‌ల‌యాళంలో బిజు మీన‌న్ న‌టించిన పాత్ర‌లో సూర్య, పృథ్వీరాజ్ పాత్ర‌లో కార్తి న‌టించే అవ‌కాశాలున్నాయంటున్నారు. సూర్య హీరోగా న‌టించిన ఆకాశం నీ హ‌ద్దురా త్వ‌ర‌లోనే తెలుగు, త‌మిళ భాష‌ల్లో విడుద‌ల‌కు సిద్ధ‌మ‌వుతోంది. ఇందులో మోహ‌న్‌బాబు కూడా కీల‌క పాత్ర‌ను పోషించారు.