'காக்க காக்க 2' எப்போது? வெளிவராத தகவல்
- IndiaGlitz, [Saturday,September 24 2016]
சூர்யா, ஜோதிகா நடிப்பில் கவுதம் மேனன் இயக்கத்தில் கடந்த 2003ஆம் ஆண்டு வெளிவந்த போலீஸ் த்ரில்லர் படம் 'காக்க காக்க'. பாக்ஸ் ஆபீசில் மிகப்பெரிய வெற்றி பெற்ற இந்த படத்தின் இரண்டாம் பாகம் விரைவில் உருவாகும் என்று அவ்வப்போது செய்திகள் வெளிவந்து கொண்டிருந்தது.
இந்நிலையில் இந்த ஆண்டு 'தெறி' மற்றும் 'கபாலி' என்ற இரண்டு சூப்பர் ஹிட் படங்களை தயாரித்த கலைப்புலி எஸ்.தாணு, 'காக்க காக்க 2' படத்தை தயாரிக்க முன்வந்திருப்பதாகவும், இந்த படத்திற்கான திரைக்கதை எழுதும் பணியை இயக்குனர் கவுதம்மேனன் தொடங்கிவிட்டதாகவும் கூறப்படுகிறது.
சூர்யாவுடன் மீண்டும் இணைந்து ஒரு படம் இயக்கவுள்ளதாக இயக்குனர் கவுதம் மேனன் அவ்வப்போது பேட்டியில் கூறிக்கொண்டிருந்த நிலையில் 'காக்க காக்க 2' படம் விரைவில் அதை உண்மையாக்கிவிடும் என தெரிகிறது.