వై.ఎస్.ఆర్. బ‌యోపిక్‌లో సూర్య?
- IndiaGlitz, [Monday,March 19 2018]
దివంగత ఆంధ్రప్రదేశ్ ముఖ్యమంత్రి స్వర్గీయ డా.వై.ఎస్.రాజశేఖర రెడ్డి జీవితకథను 2010లో 'భగీరథుడు' పేరుతో రూపొందించారు. సీనియర్ నటుడు వినోద్ కుమార్ ప్రధాన పాత్ర పోషించగా.. గిరి రెడ్డి స్వీయనిర్మాణంలో ఈ చిత్రాన్ని తెరకెక్కించారు.
అంతేగాకుండా.. సంచలన దర్శకుడు పూరి జగన్నాథ్ కూడా వై.ఎస్.ఆర్.బయోపిక్‌ను తెరకెక్కిస్తున్నట్లు చాలా సంవత్సరాల క్రితమే ప్రకటించారు. అయితే అది కార్యరూపం దాల్చలేదు. ఈ నేప‌థ్యంలో తాజాగా వై.ఎస్.ఆర్. బ‌యోపిక్‌ నిర్మించనున్నట్టు నిర్మాతలు విజయ్ జల్ల, శశిదేవర్ రెడ్డి వెల్లడించారు.
వీరు సంయుక్తంగా నిర్మిస్తున్న ఈ సినిమాలో వై.ఎస్.ఆర్.పాత్రకోసం మళయాళ నటుడు మమ్ముట్టిని.. వై.ఎస్.ఆర్.స‌తీమ‌ణి విజ‌య‌మ్మ పాత్రకోసం నయనతారను సంప్రదించినట్టు ఆ మ‌ధ్య వార్త‌లు వినిపించాయి.
ఇదిలా ఉంటే.. వై.ఎస్.ఆర్.తనయుడు వై.ఎస్.జగన్ పాత్రను ఎవరు పోషిస్తారనే ఆసక్తికరమైన విషయం టాలీవుడ్‌లో చర్చకు వచ్చింది. అయితే.. ఈ పాత్రకోసం తమిళ నటుడు సూర్యను సంప్రదించిందట చిత్ర బృందం.
జగన్‌కు చెందిన భారతీ సిమెంట్ కంపెనీకి సూర్య బ్రాండ్ అంబాసిడరుగా వ్యవహరించడంతో పాటు.. ఇటీవల 'గ్యాంగ్' సినిమా ప్రమోషన్‌కు రాజమండ్రి వచ్చిన సూర్య.. జగన్ పాదయాత్ర విజయవంతమవ్వాలని కోరుకుంటున్నానని చెప్పడంతో.. సూర్య ఈ సినిమాకి ఓకే చెప్పే అవకాశాలే ఎక్కువగా ఉన్నాయని టాలీవుడ్ పరిశ్రమ వర్గాలు చెబుతున్నాయి. ఈ విషయాలపై మరికొద్ది రోజుల్లో క్లారిటీ వచ్చే అవకాశం కనిపిస్తోంది.