'மாஸ்' படத்தை அடுத்து சூர்யா நடித்து வரும் 'ஹைக்கூ' படத்தின் படப்பிடிப்பு முடிவடைந்து தற்போது போஸ்ட் புரடொக்ஷன் பணிகள் விறுவிறுப்பாக நடைபெற்று வரும் நிலையில் இந்த படத்தின் ஆடியோ ரிலீஸ் தேதி மற்றும் படத்தின் ரிலீஸ் தேதி குறித்த தகவல்கள் தற்போது கிடைத்துள்ளது.

'ஹைக்கூ' திரைப்படத்தின் ஆடியோ ரிலீஸ் இம்மாத இறுதியிலும், செப்டம்பர் மூன்றாவது வாரத்தில் இந்த படம் ரிலீஸ் ஆகும் என்று தகவல்கள் கூறுகின்றன. இந்த தகவலை இயக்குனர் பாண்டியராஜ் தனது சமூக வலைத்தளத்திலும் உறுதி செய்துள்ளார் என்பது குறிப்பிடத்தக்கது. இந்த படம் குழந்தைகளுக்கு முக்கியத்துவம் கொடுத்து எடுக்கப்பட்டுள்ளதால் காலாண்டு தேர்வு விடுமுறை காலமான செப்டம்பர் மூன்றாவது வாரத்தை படக்குழுவினர் தேர்வு செய்துள்ளதாக கூறப்படுகிறது. ஆடியோ ரிலீஸ் தேதியன்றே இந்த படத்தின் டிரைலரும் ரிலீஸ் ஆகும் என அறிவிக்கப்பட்டுள்ளது.

சூர்யா மற்றும் அமலாபால் சிறப்பு தோற்றத்தில் நடித்திருக்கும் இந்த படத்தில் பிந்துமாதவி, கவின், நயனா, அபிமான், கார்த்திக் குமார், மற்றும் பலர் நடித்துள்ளனர். சூர்யாவின் 2D டெண்டர்டெயின்மெண்ட் நிறுவனம் தயாரித்துள்ள இந்த படத்திற்கு அரோல் கரேலி இசையமைத்துள்ளார். பாலசுப்பிரமணியன் ஒளிப்பதிவில், பிரவீன் படத்தொகுப்பில் உருவாகி வரும் இந்த படம் பாண்டியராஜின் 'பசங்க' படம் போல் ஒரு தரமான படமாக இருக்கும் என எதிர்பார்க்கப்படுகிறது.