எதிர்பாராமல் உயிரிழந்த ரசிகர்கள்.. வீடியோ காலில் ஆறுதல் கூறிய சூர்யா..!
- IndiaGlitz, [Monday,July 24 2023]
நேற்று ஆந்திராவில் இரண்டு சூர்யா ரசிகர்கள் எதிர்பாராத வகையில் மரணமடைந்த நிலையில் அவர்களது குடும்பத்திற்கு வீடியோ கால் மூலம் சூர்யா ஆறுதல் கூறியுள்ளார்.
நேற்று சூர்யாவின் பிறந்த நாள் கொண்டாடப்பட்ட நிலையில் ஆந்திராவைச் சேர்ந்த வெங்கடேஷ் மற்றும் சாய் ஆகிய இரண்டு கல்லூரி மாணவர்கள் சூர்யாவின் கட் அவுட் வைக்க முயன்றனர்.
அப்போது அருகில் இருந்த மின் கம்பியில் கட் அவுட்டின் கம்பி உரசியத்தை அடுத்து இருவரும் மின்சாரம் பாய்ந்து சம்பவ இடத்திலேயே பலியாகினர். இந்த சம்பவம் பெரும் அதிர்ச்சியை ஏற்படுத்திய நிலையில் இதுகுறித்து காவல்துறையினர் விசாரணை செய்து வருகின்றனர்.
இந்த நிலையில் உயிரிழந்த இரண்டு ரசிகர்களின் குடும்பத்தினர்களை இன்று வீடியோ கால் மூலம் சூர்யா பேசினார். அப்போது உயிரிழந்த ரசிகர்கள் குடும்பத்திற்கு தேவையான உதவிகளை செய்து தருவதாக அவர் உறுதி அளித்துள்ளதாக தகவல் வெளியாகியுள்ளது.