சிறுத்தை' சிவா இயக்கத்தில் சூர்யா?
- IndiaGlitz, [Wednesday,March 06 2019]
அஜித் நடித்த 'வேதாளம்', 'விவேகம்' மற்றும் 'விஸ்வாசம்' ஆகிய மூன்று வெற்றி திரைப்படங்களை தொடர்ந்து இயக்கிய இயக்குனர் சிவா இயக்கும் அடுத்த படத்தின் ஹீரோ யாராக இருக்கும் என்பதே அனைவரின் கேள்வியாக இருந்தது. விஜய் உள்பட ஒருசில நடிகர்கள் சிவா இயக்கும் அடுத்த படத்தில் நடிக்க வாய்ப்பு இருப்பதாக கூறப்பட்ட நிலையில் தற்போது அவரது இயக்கத்தில் சூர்யா நடிக்கவிருப்பதாக செய்திகள் வெளிவந்துள்ளது
கார்த்தி நடித்த 'சிறுத்தை' படம் சிவாவிற்கு மிகப்பெரிய திருப்புமுனையை கொடுத்ததோடு, அந்த வெற்றிதான் அஜித் படத்தை இயக்கும் வாய்ப்பையும் பெற்று தந்தது. சிவா-சூர்யா இணையும் படம் சூர்யா 38' படமாக இருக்கும் என்றும் இதுகுறித்த அறிவிப்பு விரைவில் வெளியாகும் என்றும் கூறப்படுகிறது
சூர்யா தற்போது செல்வராகவனின் 'என்.ஜி.கே. படத்தில் நடித்து முடித்துவிட்டு கே.வி ஆனந்த் இயக்கத்தில் உருவாகி வரும் 'காப்பான்' திரைப்படத்தில் நடித்து வருகிறார். இதனையடுத்து 'இறுதிச்சுற்று' இயக்குனர் சுதா இயக்கத்தில் நடிக்கும் சூர்யா, அதனையடுத்து சிவா இயக்கத்தில் நடிப்பார் என எதிர்பார்க்கப்படுகிறது