இயக்குனர் பாண்டியராஜ் இயக்கத்தில் கடந்த கிறிஸ்துமஸ் தினத்தில் வெளியான 'பசங்க 2' திரைப்படம் ஊடகங்கள் மற்றும் விமர்சகர்களின் ஆதரவால் மாபெரும் வரவேற்பை பெற்றுள்ளது. குழந்தைகள் மட்டுமின்றி பெற்றோர்களும் ஆசிரியர்களும் கண்டிப்பாக பார்க்க வேண்டிய படம் இது என அனைத்து பத்திரிகைகளும் பாராட்டி வருகிறது. இந்நிலையில் இந்த படத்திற்கு சமீபத்தில் 10 வயதுக்குட்பட்டவர்களுக்கு ஒருசில மாவட்டங்களில் இலவச அனுமதி என்ற சலுகை வழங்கப்பட்டது.

இந்நிலையில் தற்போது ஒருசில பள்ளி நிர்வாகிகள் தங்கள் பள்ளியில் படிக்கும் மாணவர்களை இந்த படத்திற்கு அழைத்து செல்வதாக தகவல்கள் வெளிவந்துள்ளது.

சென்னையில் உள்ள பிரபலமான பள்ளி ஒன்று தங்கள் பள்ளியில் படிக்கும் ஐந்தாம் வகுப்பு முதல் பத்தாம் வகுப்பு வரை படிக்கும் மாணவர்களை இன்று சென்னை ஐட்ரீம்ஸ் தியேட்டருக்கு அழைத்து செல்கிறது. இதற்கான பெற்றோர்களுக்கான சுற்றறிக்கை ஒன்றை நேற்று இந்த பள்ளி வெளியிட்டுள்ளது. இந்த பள்ளியை தொடர்ந்து இன்னும் பல பள்ளிகள் இந்த படத்திற்கு தங்கள் மாணவர்களை அழைத்து செல்லும் என எதிர்பார்க்கப்படுவதால் பொங்கல் ரிலீஸ் படங்களையும் மீறி 'பசங்க 2' திரைப்படம் நல்ல வசூலை குவிக்கும் என எதிர்பார்க்கப்படுகிறது.