விக்ரமுடன் கருத்துவேறுபாடா? சூர்யாவின் பதில்
- IndiaGlitz, [Monday,May 02 2016]
சீயான் விக்ரமுடன் நடிகர் சூர்யா பிதாமகன்' படத்தில் இணைந்து நடித்திருந்தபோதிலும் இருவருக்கும் இடையே சமீபகாலமாக கருத்துவேறுபாடு இருந்து வந்ததாக கூறப்பட்டு வந்த நிலையில் இந்த தகவலை சூர்யா நமது பேட்டியில் மறுத்துள்ளார்.
சூர்யாவிடம், விக்ரமுடன் கருத்துவேறுபாடு ஏற்பட்டதாக கூறப்படும் நிலையில் அவர் இயக்கிய 'Spirit of Chennai' குறும்படத்தில் நடிக்க எப்படி சம்மதம் தெரிவித்தீர்கள்' என்று கேட்ட கேள்விக்கு பதில் கூறிய சூர்யா. நானும் விக்ரமும் ஒருவருக்கொருவர் மரியாதையை பரிமாறி கொள்வோம். எங்கள் இருவருக்கும் இடையே எந்தவித கருத்து வேறுபாடும் இல்லை. 'ஐ' படத்தின் ரிலீஸின்போது நான் அவருக்கு மலர்க்கொத்து அனுப்பி வாழ்த்து தெரிவித்தேன். விக்ரமின் இயக்கத்தில் விஜய் மில்டனின் ஒளிப்பதிவில் 'Spirit of Chennai' குறும்படத்தில் நடித்தது எனக்கு மிகவும் மகிழ்ச்சியே' என்று கூறினார்.
நான் மட்டுமின்றி அந்த குறும்படத்தில் நடித்த கோலிவுட் திரையுலகின் நடிகர், நடிகைகள் அனைவருமே பெருமைக்குரியவர்கள்' என்று கூறியுள்ளார்.