దాదాపు ఆరు సంవత్సరాల గ్యాప్ త‌రువాత క‌థానాయ‌కుడు సూర్య,  ద‌ర్శ‌కుడు కె.వి.ఆనంద్ కాంబినేష‌న్‌లో మ‌రో సినిమా రాబోతున్న సంగ‌తి తెలిసిందే. సూర్య న‌టిస్తున్న 37వ చిత్ర‌మిది. గతంలో సూర్య‌, ఆనంద్‌ కలయికలో ‘అయన్’ (తెలుగులో ‘వీడొక్కడే’), ‘మాట్రన్’ (తెలుగులో ‘బ్రదర్స్’) సినిమాలు రూపుదిద్దుకున్న విషయం తెలిసిందే. ఈ రెండు సినిమాలు కూడా సూర్య‌కి న‌టుడిగా మంచిపేరుని తీసుకువ‌చ్చాయి.

కొత్త చిత్రం విష‌యానికి వ‌స్తే.. కథానుసారం ఈ సినిమాని చెన్నైతో పాటు.. న్యూయార్క్, అమెరికాలోని కొన్ని ప్రదేశాల్లోనూ.. అలాగే బ్రెజిల్, న్యూఢిల్లీ, హైదరాబాద్ వంటి నగరాల్లోని కొన్ని ప్ర‌దేశాల్లోనూ చిత్రీకరించబోతున్నారని సమాచారం.  ‘వీడొక్కడే’, ‘బ్రదర్స్’ చిత్రాలకు సంగీతాన్ని అందించిన హారిస్ జయరాజ్ ఈ సినిమాకి కూడా స్వరాలను అందిస్తున్నారు. ఈ భారీ బడ్జెట్ చిత్రాన్ని ప్రముఖ నిర్మాణ సంస్థ లైకా ప్రొడక్షన్స్ నిర్మించనుంది. కథానాయిక వివరాలతో పాటు మిగిలిన నటీనటుల వివరాలను త్వరలోనే ప్రకటించనున్నారు.