'24' படத்தில் ஏ.ஆர்.ரஹ்மானுக்கும் சமந்தாவுக்கும் சுவாரஸ்ய ஒற்றுமை
- IndiaGlitz, [Monday,January 18 2016]
சூர்யா, சமந்தா நடிப்பில் விக்ரம்குமார் இயக்கியுள்ள '24' படத்தின் படப்பிடிப்பு கடந்த சில நாட்களுக்கு முன்னர் முடிவடைந்து போஸ்ட் புரடொக்ஷன்ஸ் பணிகள் தற்போது விறுவிறுப்பாக நடைபெற்று வருகிறது. இந்த படம் வரும் கோடை விடுமுறையில் வெளியாகும் என எதிர்பார்க்கப்படுகிறது.
இந்நிலையில் '24' என்ற திரைப்படம் இந்த படத்தின் இசையமைப்பாளரான ஏ.ஆர்.ரஹ்மானுக்கும், இந்த படத்தின் நாயகியான சமந்தாவுக்கும் ஒரு அபூர்வ ஒற்றுமையை ஏற்படுத்தியுள்ளது. கடந்த 1992ஆம் ஆண்டில் 'ரோஜா' படத்தில் அறிமுகமான ஏ.ஆர்.ரஹ்மான் திரையுலகிற்கு வந்து 2016ஆம் ஆண்டோடு 24 வருடம் நிறைவடைகிறது.
அதேபோல் கடந்த 2010ஆம் ஆண்டு 'விண்ணைத்தாண்டி வருவாயோ' படத்தில் அறிமுகமான '24' படத்தின் நாயகியான சமந்தாவுக்கு '24' திரைப்படம் 24வது திரைப்படம் என்பது குறிப்பிடத்தக்கது. இந்த விதமாக ஏ.ஆர்.ரஹ்மான் மற்றும் சமந்தா ஆகிய இருவருக்கும் இந்த '24' படம் ஒரு அபூர்வ கனெக்ஷனை ஏற்படுத்தியுள்ளது என்பது குறிப்பிடத்தக்கது