సూర్య 24 మూవీ రిలీజ్ వాయిదా..
- IndiaGlitz, [Tuesday,November 17 2015]
హీరో సూర్య, మ‌నం ఫేం విక్ర‌మ్ కుమార్ కాంబినేష‌న్ లో రూపొందుతున్నక్రేజీ మూవీ 24. ఈ చిత్రంలో సూర్య స‌ర‌స‌న స‌మంత, నిత్యా మీన‌న్ న‌టిస్తున్నారు. ఈ చిత్రాన్ని 2డి ఎంట‌ర్ టైన్మెంట్ బ్యాన‌ర్ పై సూర్య నిర్మిస్తుండ‌డం విశేషం. యాక్ష‌న్ థ్రిల్ల‌ర్ గా రూపొందే ఈ మూవీకి ఎ.ఆర్.రెహ‌మాన్ సంగీతాన్ని అందిస్తున్నారు. ముంబై నేప‌థ్యంతో సాగే విభిన్న క‌థా చిత్రంగా 24 మూవీ రూపొందుతుంది.
ఈ చిత్రం దాదాపు షూటింగ్ పూర్తి చేసుకుంది. ముందుగా సంక్రాంతికి ఈ చిత్రాన్నిరిలీజ్ చేయాల‌నుకున్నారు. ఆత‌ర్వాత కాదు..స‌మ్మ‌ర్ లో రిలీజ్ చేద్దాం అనుకున్నారు. ఇటీవ‌ల మ‌ళ్లీ సంక్రాంతికి రిలీజ్ చేద్దామ‌ని పోస్ట్ ప్రొడ‌క్ష‌న్ వ‌ర్క్ ప్రారంభించారు. ఇంత‌లో ఏమైందో ఏమో...మ‌ళ్లీ సంక్రాంతికి కాదు స‌మ్మ‌ర్ లో రిలీజ్ చేయ‌డ‌మే మంచిద‌ని భావించి స‌మ్మ‌ర్ లో రిలీజ్ ప్లాన్ చేస్తున్నార‌ట. మ‌రి...సూర్య ని విక్ర‌మ్ కుమార్ ఎలా చూపిస్తారో...? ఏ త‌ర‌హా క‌ధాంశంతో 24 మూవీ రూపొందించారో..? చూడాలి.