'24' படத்தின் பட்ஜெட் எவ்வளவு? மனம் திறந்த சூர்யா
- IndiaGlitz, [Monday,May 02 2016]
வரும் வெள்ளியன்று வெளியாகவுள்ள சூர்யாவின் '24' திரைப்படம் மற்றொரு பெரிய பட்ஜெட் படம் என்பது குறிப்பிடத்தக்கது. இந்நிலையில் இந்த படத்தின் பட்ஜெட் குறித்த தகவல் தற்போது தெரியவந்துள்ளது.
நமது இணையதளத்திற்கு சூர்யா பிரத்யேகமாக அளித்த பேட்டியில் '24 திரைப்படத்தின் பட்ஜெட் சுமார் 65 கோடி என்றும், விளம்பரம் மற்றும் புரமோஷன்கள் செலவுகளை சேர்த்தால் இந்த படத்தின் மொத்த பட்ஜெட் ரூ.70 கோடி என்ற தகவலை நம்முடன் பகிர்ந்துள்ளார்.
சூர்யா ஏற்கனவே தனது 2D எண்டர்டெயின்மெண்ட் நிறுவனத்தின் மூலம் '36 வயதினிலே' மற்றும் 'பசங்க 2' என இரண்டு படங்களை தயாரித்திருந்தபோதிலும் '24' படம்தான் பெரிய பட்ஜெட் படம் என்பது குறிப்பிடத்தக்கது.
வரும் வெள்ளியன்று 2000 திரையரங்குகளுக்கும் மேல் பிரமாண்டமாக ரிலீஸ் ஆகவுள்ள இந்த படம் மிகப்பெரிய வெற்றியை பெறும் என்று எதிர்பார்க்கப்படுகிறது.