'24' பாடல் குறித்த முக்கிய தகவல்
- IndiaGlitz, [Thursday,March 03 2016]
சூர்யா நடிப்பில் உருவாகியுள்ள '24' படத்தின் டீசர் வரும் 4ஆம் தேதி வெளியாகவுள்ள நிலையில் இந்த டீசரின் விமர்சனத்தை சற்று முன்னர் பார்த்தோம். இந்த படத்தின் டீசர் பெரும் வரவேற்பை பெரும் என்று எதிர்பார்க்கப்படும் நிலையில் தற்போது இந்த படத்தின் பாடல்கள் குறித்த முக்கிய தகவல்கள் வெளியாகியுள்ளது.
'24' படத்திற்கு ஆஸ்கார் நாயகன் ஏ.ஆர்.ரஹ்மான் இசையமைத்துள்ளார் என்பது அனைவரும் அறிந்ததே. இந்நிலையில் இந்த படத்திற்காக ஏ.ஆர்.ரஹ்மான் நான்கு பாடல்களை கம்போஸ் செய்திருப்பதாக படக்குழுவினர் நம்மிடம் பிரத்யேக தகவல் ஒன்றை தெரிவித்துள்ளனர். நான்கு பாடல்களும் ரசிகர்களை கவரும் வகையில் அமைந்துள்ளதாகவும் அவர்கள் தெரிவித்துள்ளனர்.
சூர்யா முதன்முறையாக மூன்று வித்தியாசமான வேடங்களில் நடித்துள்ள இந்த படத்தில் சமந்தா மற்றும் நித்யாமேனன் நாயகிகளாக நடித்துள்ளனர். சயன்ஸ் பிக்சன் படமான இந்த படத்தை விக்ரம்குமார் இயக்கியுள்ளார்.