ரூ.200 கோடி கிளப்பில் '24' இணையும். ஞானவேல்ராஜா நம்பிக்கை
- IndiaGlitz, [Friday,April 29 2016]
சூர்யா நடித்துள்ள '24' திரைப்படம் இன்று சென்சார் செய்யப்பட்டு 'யூ' சர்டிபிகேட் பெற்றுள்ளது என்பதை ஏற்கனவே பார்த்தோம். இந்நிலையில் இன்று '24' படக்குழுவினர் செய்தியாளர்களை சந்தித்தனர்.
இந்த சந்திப்பில் நாயகன் சூர்யா கூறும்போது, '24' திரைப்படம் ஹாலிவுட்டின் டிஸ்னிலேண்ட் படைப்புகள் போல் அனைத்து வயதினர்களுக்கும் ஏற்ற வகையிலான ஒரு படமாக இருக்கும் என்று நம்பிக்கை தெரிவித்தார்.
மேலும் ஞானவேல்ராஜா இந்த படம் குறித்து கூறும்போது இந்த படம் உலகம் முழுவதும் ரூ.200 கோடி வசூல் செய்து 200 கோடி ரூபாய் கிளப்பில் இணையவேண்டும் என்று நான் விரும்புகிறேன்' என்று கூறினார்.
'24' திரைப்படம் உலகம் முழுவதும் 2,150 திரையரங்குகளில் வெளியாகவுள்ளதாகவும், பல நேரடி தெலுங்கு திரைப்படங்கள் இந்த படத்திற்காக ரிலீஸ் தேதிகளை மாற்றியமைத்துள்ளதாகவும் கூறப்படுகிறது.