சூர்யா நடிப்பில் கடந்த 6ஆம் தேதி வெளியான '24' திரைப்படம் தமிழகம் மற்றும் தெலுங்கு மாநிலங்களில் நல்ல வரவேற்பை பெற்று வெற்றிகரமாக திரையரங்குகளில் ஓடிக்கொண்டிருக்கின்றது.

இந்நிலையில் இந்தியாவை போலவே வெளிநாடுகளிலும் இந்த படத்திற்கு நல்ல வரவேற்பு கிடைத்துள்ளது. குறிப்பாக அமெரிக்கா மற்றும் கனடாவில் எதிர்பாராத வசூலை இந்த படம் பெற்றுள்ளது.

'24' படம் வெளியான மே 6ஆம் தேதி முதல் கடந்த 15ஆம் தேதி வரையிலான காலகட்டத்தில் இந்த படம் தமிழ் மற்றும் தெலுங்கு ஆகிய இருமொழிகளிலும் சேர்த்து அமெரிக்காவில் $ 1,388,976 மற்றும் கனடாவில் $ 1,508,495 என மொத்தம் இந்திய மதிப்பில் ரு.10.08 கோடி வசூல் செய்துள்ளது.

விக்ரம்குமார் இயக்கத்தில், ஏ.ஆர்.ரஹ்மான் இசையில் சூர்யா, சமந்தா, நித்யாமேனன் நடிப்பில் உருவாகிய இந்த படம் வெற்றிப்படமாக விநியோகிஸ்தர்களால் அறிவிக்கப்பட்டுள்ளது என்பது குறிப்பிடத்தக்கது.