மியான்மர் நாட்டின் எல்லையை தாண்டி பயங்கரவாத முகாம்கள் மீது இந்திய ராணுவம் தாக்குதல் நடத்தி வருவதாக பரபரப்பு தகவல் ஒன்று சற்றுமுன் வெளியாகியுள்ளது.

இதுகுறித்து மேலும் வந்த தகவல்களில் இருந்து நாகலாந்து தனிநாடு கோரிய தீவிரவாதிகளின் முகாம்களை குறிவைத்து இந்திய ராணுவம் தாக்குதல் நடத்தி வருவதாகவும், இந்த தாக்குதலில் மியான்மர் எல்லைக்குள் முகாமிட்டிருந்த நாகலாந்து பயங்கரவாதிகள் ஏராளமானோர் பலியானதாகவும் தகவல்கள் கிடைத்துள்ளது.

இந்த தாக்குதலில் 70 கமாண்டோ வீரர்கள் ஈடுபட்டதாகவும், அவர்களுடைய துல்லிய தாக்குதல் காரணமாக தீவிரவாதிகள் அடியோடு அழிக்கப்பட்டு வருவதாகவும் தகவல்கள் வெளிவந்துள்ளது.

கடந்த ஆண்டு செப்டம்பர் மாதம் தான் பாகிஸ்தான் நாட்டின் எல்லைக்குள் சென்று இந்திய ராணுவம் சர்ஜிக்கல் தாக்குதல் நடத்திய நிலையில் சரியாக ஒரு வருடம் கழித்து மீண்டும் ஒரு சர்ஜிக்கல் தாக்குதலை இந்திய ராணுவம் நடத்தி வருகிறது என்பது குறிப்பிடத்தக்கது.