துரதிஷ்டவசமாக மிஸ் ஆன வெற்றிமாறன் - சிம்பு படம் ஆனால் அதிலும் ஒரு நன்மை கிடைச்சிருக்கு..!
- IndiaGlitz, [Wednesday,February 14 2024]
வெற்றிமாறன் இயக்கத்தில் சிம்பு நடிப்பில் ஒரு திரைப்படம் உருவாக இருந்ததாகவும் ஆனால் கடைசி நேரத்தில் அந்த படம் கைவிடப்பட்டதாகவும் பிரபல தயாரிப்பாளர் சுரேஷ் காமாட்சி சமீபத்தில் அளித்த பேட்டியில் தெரிவித்துள்ளார்.
வெற்றிமாறன் இயக்கத்தில் ஒரு படத்தில் நடிக்க வேண்டும் என்பது இளைய தலைமுறை நடிகர்களின் கனவாக இருந்து வருகிறது என்பதும் அவரது படத்தில் நடிப்பது ஒரு வரம் என்று பலர் தங்களது பேட்டியில் கூறியுள்ளார்கள் என்பதும் தெரிந்தது.
இந்த நிலையில் சமீபத்தில் பேட்டி அளித்த தயாரிப்பாளர் சுரேஷ் காமாட்சி, வெற்றிமாறன் இயக்கத்தில் சிம்பு நடிப்பில் ஒரு படம் உருவாக இருந்தது என்றும், அந்த படத்திற்கான கதையை சிம்புவிடம் வெற்றிமாறன் கூறிவிட்டதாகவும், ஆனால் கடைசி நேரத்தில் திடீரென அது நடக்காமல் போய்விட்டது என்றும் தெரிவித்தார்.
அதன் பின்னர் தான் வெங்கட் பிரபு கூறிய ‘மாநாடு’ கதை தனக்கு பிடித்து விட்டதை அடுத்து சிம்புவை ஒப்பந்தம் செய்து ‘மாநாடு’ படத்தை உருவாக்கினோம் என்றும் அந்த படம் மிகப்பெரிய வெற்றி பெற்றது என்றும் கூறியுள்ளார்.
இந்த பேட்டிக்கு கருத்து கூறி வரும் நெட்டிசன்கள் ’நல்ல வேலை வெற்றிமாறன் படத்தில் சிம்பு நடிக்கவில்லை, ஒருவேளை நடித்திருந்தால் ‘மாநாடு’ போன்ற ஒரு சூப்பர் ஹிட் படம் அவருக்கு கிடைக்காமல் போயிருக்கும்’ என்றும் தெரிவித்துள்ளார்.