இதுபோன்றதொரு ஊரை தமிழ்த் திரைப்படங்களில் பார்த்ததில்லை. சுரேஷ் காமாட்சி வாழ்த்து..!
- IndiaGlitz, [Friday,October 25 2024]
இயக்குனர் மீரா கதிரவன் இயக்கும் அடுத்த படத்தின் பர்ஸ்ட் லுக் போஸ்டர் வெளியாகி உள்ள நிலையில் இந்த படத்தில் உள்ள மனிதர்கள் மற்றும் ஊரை இதுவரை நான் திரைப்படங்களை பார்த்ததில்லை என தயாரிப்பாளர் சுரேஷ் காமாட்சி தனது சமூக வலைதள பக்கத்தில் வாழ்த்துக்களை தெரிவித்துள்ளார்.
’அவள் பெயர் தமிழரசி’ ’விழித்திரு’ போன்ற திரைப்படங்களை இயக்கிய மீரா கதிரவன் இயக்கும் அடுத்த படத்தின் பர்ஸ்ட் போஸ்டர் சற்றுமுன் வெளியாகியுள்ளது. ‘ஹபீபி’ என்ற டைட்டில் வைக்கப்பட்டுள்ள இந்த படத்தின் போஸ்டரில் ஒரு முஸ்லிம் குடும்பத்தினர் இருக்கும் நிலையில் இது ஒரு வித்தியாசமான கதை அம்சம் கொண்ட படம் என்று பர்ஸ்ட் லுக் போஸ்டரில் இருந்தே தெரிய வருகிறது.
இந்த நிலையில் இந்த படத்தின் தயாரிப்பாளர் சுரேஷ் காமாட்சி தனது சமூக வலைதள பக்கத்தில் இந்த படம் குறித்து கூறியிருப்பதாவது:
மீரா கதிரவன் தன் ஊரிலிருந்து ஒரு படத்தை எடுத்து வந்திருக்கிறார். இதுபோன்றொரு ஊரை தமிழ்த் திரைப்படங்களில் பார்த்ததில்லை. இதுபோன்ற மனிதர்களைத் தமிழ்த் திரைப்படங்களில் அடிக்கடி சந்தித்ததில்லை.
இதுபோன்ற ஒரு வாழ்வியலை தமிழ்த் திரைப்படத்தில் முதல்முறையாக இப்போதுதான் பார்க்கிறேன். இதுபோன்ற சுவாரஸ்யத்தையும் இப்போதுதான் சந்திக்கிறேன்.
'ஹபீபி' என்ற இந்தப் படம் எனக்கு மிகவும் பிடித்திருக்கிறது. உங்களுக்கும் பிடிக்குமென நம்புகிறேன். அன்பின் வழியது உயிர்நிலை!!
கஸ்தூரி ராஜா முக்கிய வேடத்தில் நடிக்கும் இந்த படத்தில் ஈஷா, மாளவிகா மனோஜ் உள்ளிட்ட பலர் நடிக்கின்றனர். சாம் சிஎஸ் இசையில், யுகபாரதி பாடல் வரிகளில் இந்த படம் உருவாகி வருகிறது.
மீரா கதிரவன் தன் ஊரிலிருந்து ஒரு படத்தை எடுத்து வந்திருக்கிறார்.
— sureshkamatchi (@sureshkamatchi) October 25, 2024
இதுபோன்றொரு ஊரை தமிழ்த் திரைப்படங்களில் பார்த்ததில்லை.
இதுபோன்ற மனிதர்களைத் தமிழ்த் திரைப்படங்களில் அடிக்கடி சந்தித்ததில்லை.
இதுபோன்ற ஒரு வாழ்வியலை தமிழ்த் திரைப்படத்தில் முதல் முறையாக இப்போதுதான்… pic.twitter.com/gr2cfXh5Lb