நடிகர் அஜீத் நடித்து வரும் ’அஜீத் 61’ படத்தின் முதல்கட்ட படப்பிடிப்பு சமீபத்தில் முடிவடைந்தது என்பதும் அடுத்த கட்ட படப்பிடிப்பு விரைவில் நடைபெற உள்ளது என்பது தெரிந்ததே.

இந்த நிலையில் அஜீத் கடந்த சில நாட்களுக்கு முன் இங்கிலாந்து நாட்டிற்கு பைக் சுற்றுப்பயணமாக சென்றார் என்பதும் அவரும் அவருடைய குழுவினரும் இங்கிலாந்து நாட்டின் சாலைகளில் பைக்கில் உலா வரும் காட்சிகளின் புகைப்படங்கள் நேற்று இணையதளங்களில் வைரலானது என்பதையும் பார்த்தோம்.

இந்த நிலையில் அஜீத் மேனேஜர் சுரேஷ் சந்திரா தனது சமூக வலைத்தளத்தில் அஜித்தின் புதிய புகைப்படம் ஒன்றை பதிவு செய்துள்ளார். அந்த புகைப்படத்தில் இங்கிலாந்து நாட்டின் பெட்ரோல் நிலையம் ஒன்றில் அஜித் தனது பைக்கிற்கு தானே பெட்ரோல் நிரப்பிக் கொண்டிருக்கிறார். இந்த புகைப்படத்திற்கு ஏராளமான லைக்ஸ் குவிந்து வருகிறது என்பது குறிப்பிடத்தக்கது.

இன்னும் ஒரு சில நாட்களில் இங்கிலாந்து நாட்டிலிருந்து அஜித் இந்தியா திரும்புவார் என்றும் அதன்பிறகு அவர் ‘அஜித் 61’ படத்தின் அடுத்தகட்ட படப்பிடிப்பில் கலந்துகொள்வார் என்றும் கூறப்படுகிறது.

"Fuel up yr passion!!" #AK Motorcycle Diaries @DoneChannel1 pic.twitter.com/sS5cUgj88z

— Suresh Chandra (@SureshChandraa) June 18, 2022