இனிமேல் இதுதான் டிரெண்ட்.. சுரேஷ் சந்திரா வெளியிட்ட அஜித்தின் புகைப்படங்கள்..!
- IndiaGlitz, [Friday,September 27 2024]
இனிமேல் இதுதான் டிரெண்ட் என்று அஜித்தின் மேனேஜர் சுரேஷ் சந்திரா தனது சமூக வலைதள பக்கத்தில் அஜித் குறித்த புகைப்படங்களை வெளியிட்டுள்ள நிலையில் அந்த புகைப்படங்கள் தற்போது இணையத்தில் வைரல் ஆகி வருகின்றது.
தமிழ் திரை உலகின் மாஸ் நடிகர்களில் ஒருவரான அஜித், ஒரு பக்கம் சினிமாவில் நடித்துக் கொண்டே இன்னொரு பக்கம் மோட்டார் சைக்கிளில் உலகம் முழுவதும் பயணம் செய்வது, கார் ரேஸ் உள்ளிட்டவற்றில் கலந்து கொள்வது ஆகியவற்றில் ஈடுபட்டு வருகிறார் என்பதை பார்த்து வருகிறோம்.
இந்த நிலையில் சமீபத்தில் அஜித் ஐரோப்பாவில் நடைபெறும் கார் ரேஸ் ஒன்றில் கலந்து கொள்ள இருப்பதாக அறிவிக்கப்பட்ட நிலையில் இந்த பந்தயத்திற்காக அவர் பயிற்சி பெறும் வீடியோக்களும் வெளியானது என்பதை பார்த்தோம்.
இந்த நிலையில் சற்றுமுன் அஜித்தின் மேனேஜர் சுரேஷ் சந்திரா தனது சமூக வலைதளத்தை பக்கத்தில் கார் பந்தயத்திற்காக அஜித் தன்னை தயார் செய்து கொள்ளும் புகைப்படங்களை பகிர்ந்துள்ளார். மேலும் அதில் ஒரு புதிய ஹெல்மெட்டையும் அறிமுகப்படுத்தி இருப்பதாகவும் வெள்ளை சிவப்பு நிறத்தில் உள்ள இந்த ஹெல்மெட் டிரெண்ட் ஆகும் என்றும் எதிர்பார்க்கப்படுகிறது.
இந்நிலையில், விடாமுயற்சி படத்தின் இறுதிக்கட்ட படப்பிடிப்பு ஸ்பெயின் நாட்டில் நடைபெற இருப்பதாகவும், அதேபோல் குட் பேட் அக்லி படத்தின் அடுத்தகட்ட படப்பிடிப்பு விரைவில் தொடங்க இருப்பதாகவும் கூறப்படுகிறது.
Testing the Ferrari 488 EVO Challenge at @Dubai_Autodrome as #AK gears up for the upcoming European racing season! Also excited to reveal new helmet paint scheme. Ready for an adrenaline-fueled journey ahead! 🏎️💥 #AjithKumar #Ferrari488EVO #EuropeanSeason #DubaiAutodrome… pic.twitter.com/FcHDuhGFel
— Suresh Chandra (@SureshChandraa) September 27, 2024