మెగాస్టార్ చిరంజీవి టైటిల్ పాత్ర‌లో న‌టిస్తోన్న చిత్రం `సైరా న‌ర‌సింహారెడ్డి`. ఈ సినిమాలో ముగ్గురు స్టార్ హీరోయిన్స్ న‌టిస్తున్నారు. వారే న‌య‌న‌తార‌, త‌మ‌న్నా, అనుష్క‌. వీరి పాత్ర‌ల గురించి సురేంద‌ర్ రెడ్డి వివ‌రించారు. ఉయ్యాల‌వాడ న‌ర‌సింహారెడ్డి భార్య సిద్ధ‌మ్య పాత్ర‌లో న‌య‌న‌తార న‌టించార‌ట‌. ఇక త‌మ‌న్నా అయితే ఉయ్యాల‌వాడ ప్రేయ‌సి పాత్ర‌లో న‌టించారు. ఇది వ‌ర‌కు త‌మ‌న్నా పాత్ర‌కు నెగెటివ్ షేడ్స్ ఉంటాయ‌ని వార్త‌లు వినిపించాయి. మ‌రి సినిమా చూస్తే కానీ.. త‌మ‌న్నా పాత్ర ఏంటో మ‌రింత వివ‌రంగా అర్థ‌మ‌య్యే అవ‌కాశాలున్నాయి. కాగా అనుష్క పాత్ర‌పై ద‌ర్శ‌కుడు సురేంద‌ర్ రెడ్డి క్లారిటీ ఇచ్చేశాడు. ఝాన్సీ ల‌క్ష్మీబాయి పాత్ర‌లో అనుష్క న‌టించార‌ట‌. సినిమా క‌థ ఆమె చెప్ప‌డంతో ప్రారంభ‌మ‌వుతుంది..ముగుస్తుంది. అనుష్క పాత్ర వ్య‌వ‌థి 10 నిమిషాలు మాత్ర‌మే ఉంటుంద‌ట‌.

సురేంద‌ర్ రెడ్డి ద‌ర్శ‌క‌త్వంలో రామ్‌చ‌ర‌ణ్ నిర్మాత‌గా ఈ సినిమా నిర్మిత‌మ‌వుతోంది. అమితాబ్ బ‌చ్చ‌న్‌, నయ‌న‌తార‌, విజ‌య్ సేతుప‌తి, కిచ్చా సుదీప్‌, జ‌గ‌ప‌తిబాబు, ర‌వికిష‌న్‌, నిహారిక‌, త‌మ‌న్నా, నిహారిక‌ త‌దిత‌రులు కీల‌క పాత్ర‌ధారులుగా న‌టించారు. ఈ సినిమాను అక్టోబ‌ర్ 2న విడుద‌ల చేసేలా స‌న్నాహాలు జ‌రుగుతున్నాయి. సినిమాను తెలుగు, హిందీ, త‌మిళ‌, క‌న్న‌డ‌, మ‌ల‌యాళ భాష‌ల్లో గ్రాండ్ రిలీజ్ చేస్తున్నారు. ఈ నెల‌లోనే ఆడియో వేడుక‌ను క‌ర్నూలులో నిర్వ‌హిస్తార‌ని వార్త‌లు విన‌ప‌డుతున్నాయి. ఈ వేడుక‌కి బాలీవుడ్ బిగ్ బి అమితాబ్‌, సూప‌ర్‌స్టార్ ర‌జ‌నీకాంత్ ముఖ్య అతిథులుగా వ‌చ్చేస్తార‌ని వార్త‌లు విన‌ప‌డుతున్నాయి. భారీ అంచ‌నాల‌తో సినిమా భారీ లెవ‌ల్లో విడుద‌ల‌కు సిద్ధ‌మ‌వుతోంది. ప్ర‌స్తుతం డ‌బ్బింగ్ కార్య‌క్ర‌మాలు జ‌రుగుతున్నాయి. అర‌వింద స్వామి త‌మిళంలో చిరంజీవికి డ‌బ్బింగ్ చెబుతున్నారు.