అరరే..సురభి మిస్సయ్యిందే
- IndiaGlitz, [Sunday,April 03 2016]
రెండు వ‌రుస విజ‌యాలు అందుకున్నాక ఎవ‌రైనా మూడో విజ‌యం కోసం ఆశ‌ప‌డ‌డం స‌హ‌జం. ఢిల్లీ సుంద‌రి సురభి కూడా ఇందుకు మిన‌హాయింపు కాదు. డీసెంట్ హిట్ చిత్రాలుగా పేరు తెచ్చుకున్న 'బీరువా', 'ఎక్స్‌ప్రెస్ రాజా' చిత్రాల త‌రువాత త‌న మూడో చిత్రం 'ఎటాక్‌'తో హ్యాట్రిక్ హిట్ ల‌భిస్తుంద‌న్న ఆశ‌తో ఉన్న సుర‌భికి.. శుక్ర‌వారం విడుద‌లైన ఈ సినిమా నిరాశ‌ప‌రిచింది.
రామ్‌గోపాల్ వ‌ర్మ వంటి సంచ‌ల‌న ద‌ర్శ‌కుడు కాంబినేషన్లో ప‌నిచేయ‌డం త‌న‌కు లాభిస్తుంద‌నుకుంటే.. అది వ‌ర్క‌వుట్ కాలేదు. హ్యాట్రిక్ ముచ్చ‌ట ప‌క్క‌న పెడితే.. కొంత‌మంది విమ‌ర్శ‌కులు రివ్యూల‌లో సురభి న‌ట‌న గురించి నామ మాత్ర‌మైన ప్ర‌స్తావించ‌నేలేదు. ఇది ఆమెను మ‌రింత నిరాశ‌ప‌రిచే విష‌య‌మే. ఇదిలా ఉంటే.. నాని హీరోగా ఇంద్ర‌గంటి మోహ‌న‌కృష్ణ దర్శకత్వంలో రూపొందుతున్న కొత్త చిత్రంలో సురభి హీరోయిన్‌గా న‌టిస్తోంది. ఈ సినిమా అయినా ఆమెకు మ‌రోసారి విజ‌యాన్ని అందిస్తుందేమో చూడాలి.