సాయిధ‌ర‌మ్ తేజ్ హీరోగా ప‌టాస్ ఫేమ్ అనిల్ రావిపూడి ద‌ర్శ‌క‌త్వంలో రూపొందిన చిత్రం సుప్రీమ్. ఈ చిత్రాన్ని శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై దిల్ రాజు నిర్మించారు. ఇటీవ‌ల రిలీజైన సుప్రీమ్ పాజిటివ్ టాక్ తో విజ‌య‌వంతంగా ప్ర‌ద‌ర్శింప‌బ‌డుతోంది. ఈ సంద‌ర్భంగా సుప్రీమ్ టీమ్ ఈరోజు ఉద‌యం తిరుమ‌ల‌లో శ్రీవారిని ద‌ర్శించుకున్నారు. హీరో సాయిధ‌ర‌మ్ తేజ్, హీరోయిన్ రాశీ ఖ‌న్నా, డైరెక్ట‌ర్ అనిల్ రావిపూడి, నిర్మాత దిల్ రాజు, న‌టుడు స‌త్యం రాజేష్ త‌దిత‌రులు శ్రీవారి ద‌ర్శ‌నం చేసుకున్నారు. ఈ సంద‌ర్భంగా సుప్రీమ్ టీమ్ మీడియాతో మాట్లాడుతూ...సుప్రీమ్ సినిమాకి పాజిటివ్ టాక్ రావ‌డం సంతోషంగా ఉంది. స్వామి వారి ఆశీస్సుల‌తో స‌క్సెస్ ఫుల్ గా ర‌న్ అవ్వాల‌ని ప్రార్ధించాం అని తెలియ‌చేసారు.