பிரபல நடிகர் விஜய் ஆண்டனி நடித்த ’கோடியில் ஒருவன்’ என்ற திரைப்படம் சமீபத்தில் வெளியாகி நல்ல வரவேற்பை பெற்ற நிலையில் அவர் தற்போது ’தமிழரசன்’ ’அக்னிசிறகுகள்’ ’காக்கி’ ’பிச்சைக்காரன் 2’ ’கொலை’ ஆகிய படங்களில் நடித்து வருகிறார் என்பது குறிப்பிடத்தக்கது.

இந்த நிலையில் விஜய் ஆண்டனி நடித்து வரும் படங்களில் ஒன்று ’மழை பிடிக்காத மனிதன்’ என்பதும் இந்த படத்தை பிரபல இயக்குனர் விஜய் மில்டன் இயக்கி வருகிறார் என்பது குறிப்பிடத்தக்கது.

இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் தற்போது இந்த திரைப்படத்தில் சீனியர் நடிகர் சுப்ரீம் ஸ்டார் சரத்குமார் இணைந்து உள்ளதாக தகவல்கள் வெளியாகியுள்ளது. அவர் விஜய் ஆண்டனியின் நண்பராக இந்த படத்தில் நடித்து வருகிறார் என கூறப்படுகிறது.

தற்போது கோவா, டாயூ, டாமன் ஆகிய பகுதிகளில் இந்த படத்தின் அடுத்தகட்ட படப்பிடிப்பு நடைபெற்று வருவதாகவும் இந்த படத்தில் பிரபல கன்னட நடிகர்கள் தனஞ்செயன் மற்றும் பிருத்வி அம்பார் ஆகியோர் முக்கிய வேடங்களில் நடித்து வருவதாகவும் தகவல்கள் வெளியாகியுள்ளன.