நடிகரும் பாஜக பிரமுகருமான எஸ்.வி.சேகர், பெண் பத்திரிகையாளர்கள் குறித்து சர்ச்சைக்குரிய ஒரு பதிவை தனது முகநூலில் பதிவு செய்ததாக வழக்கு தொடரப்பட்டது. இந்த வழக்கில் எஸ்.வி.சேகர் தாக்கல் செய்த முன் ஜாமீன் மனுவை உச்ச நீதிமன்றம் இன்று அதிரடியாக தள்ளுபடி செய்துள்ளது.

எஸ்.வி சேகர் முன்ஜாமீன் மனுவை இன்று விசாரணை செய்த உச்ச நீதிமன்றம், எஸ்.வி சேகரை கைது செய்ய தடையில்லை என்று தெரிவித்துள்ளது. மேலும் முன்ஜாமீன் வழங்க மறுத்த உச்ச நீதிமன்றம், விசாரணை நீதிமன்றமான எழும்பூர் நீதிமன்றத்தில் ஆஜராக உத்தரவிட்டது

முன்னதாக எஸ்.வி.சேகரின் முன் ஜாமீன் மனுவை விசாரணை செய்த சென்னை உயர்நீதிமன்றம் எஸ்.வி.சேகரை கைது செய்ய தடையில்லை என்று உத்தரவு பிறப்பித்திருந்தது என்பது குறிப்பிடத்தக்கது.

தற்போது உச்சநீதிமன்றத்தின் விசாரணையை அடுத்து எஸ்.வி.சேகர் எழும்பூர் நீதிமன்றத்தில் ஆஜராவார் என்று எதிர்பார்க்கப்படுகிறது.