பிரதமர் மோடிக்கு பிறந்த நாள் வாழ்த்து தெரிவித்த ரஜினிகாந்த்
- IndiaGlitz, [Friday,September 18 2015]
சூப்பர் ஸ்டார் ரஜினிகாந்த் கடந்த ஆண்டு மே மாதம் பிரபல சமூக வலைத்தளம் ஒன்றில் இணைந்தார். அவருடைய சமூக வலைத்தளத்தை 2.28 மில்லியன் பேர் ஃபாலோ செய்கின்றனர். இந்த ஒன்றரை வருடத்தில் அவர் செய்த டுவீட்டுக்கள் மிகவும் குறைவானதே. ஆனால் அவர் பதிவு செய்யும் ஒவ்வொரு டுவீட்டும் ஆயிரக்கணக்கில் லைக்குகள் பெறும் என்பது குறிப்பிடத்தக்கது.
இந்நிலையில் இம்மாதம் மட்டுமே அவர் இதுவரை இரண்டு டுவீட்டுக்களை அதுவும் அடுத்தடுத்த நாட்களில் பதிவு செய்துள்ளார். நேற்று முன் தினம் 'கபாலி' படத்தின் பர்ஸ்ட் லுக் போஸ்டர்களை பதிவு செய்த ரஜினிகாந்த், நேற்று பாரத பிரதமர் நரேந்திர மோடி அவர்களுக்கு தனது பிறந்த நாள் வாழ்த்துக்களை தெரிவித்துள்ளார். இதற்கு முன்னர் பாராளுமன்ற தேர்தலில் நரேந்திர மோடி வெற்றி பெற்றபோதும் அவருக்கு ரஜினிகாந்த் வாழ்த்து தெரிவித்திருந்தார் என்பதும் குறிப்பிடத்தக்கது.
மேலும் ஜெயலலிதா சமீபத்தில் இடைத்தேர்தலில் வெற்றி பெற்றபோதும், அப்துல் கலாம் அவர்களின் மறைவின்போதும், சிவாஜி கணேசனுக்கு தமிழக அரசு மணிமண்டபம் கட்ட முடிவு செய்தபோதும் அவர் டுவீட் செய்திருந்தார் என்பது குறிப்பிடத்தக்கது.