మరో యువ దర్శకుడితో సూపర్ స్టార్...
- IndiaGlitz, [Friday,February 23 2018]
సూప‌ర్‌స్టార్ రజనీకాంత్తో సినిమా చేయాల‌ని అంద‌రూ ద‌ర్శ‌కులు కో్రుకుంటారు. ఇప్పుడు మరో యువ ద‌ర్శ‌కుడికి అలాంటి అవ‌కాశమే వ‌చ్చింది. వివ‌రాల్లోకెళ్తే.. తెలుగు, త‌మిళంలో విజ‌య‌వంతమైన 'పిజ్జా' సినిమాను తెర‌కెక్కించిన దర్శకుడు కార్తీక్ సుబ్బ‌రాజు త‌ర్వాత సిద్ధార్థ్‌, బాబీ సింహ‌ల‌తో 'జిగ‌ర్ తండా' మూవీ చేశాడు.
ఈ సినిమాలో బాబీ సింహ‌కు నేష‌న‌ల్ అవార్డు కూడా వ‌చ్చింది. త‌ర్వాత విజయ్ సేతుప‌తి ఓ సినిమా చేసిన కార్తీక్ సుబ్బ‌రాజు ఇప్పుడు ప్ర‌భుదేవాతో 'మెర్క్యురీ' అనే సినిమా చేస్తున్నాడు. ఈ సినిమా త‌ర్వాత సూప‌ర్‌స్టార్ రజనీకాంత్తో కార్తీక్ సుబ్బ‌రాజు సినిమా ఉంటుంది. ఈ సినిమాను స‌న్ పిక్చర్స్ నిర్మించ‌నుంది. ఈ విష‌యాన్ని నిర్మాణ సంస్థ అధికారికంగా ప్ర‌క‌టించింది. రాజ‌కీయాల మాటేమో కానీ ర‌జ‌నీకాంత్ వ‌రుస సినిమాలు చేస్తుండ‌టం సినీ అభిమానుల‌కు ఊర‌ట‌నిచ్చే అంశ‌మే.